Solapur, Maharashtra 02 Nov 2026, 07:16 PM

Solapur | सोलापूर न्यायालयाला बॉम्बस्फोटाची धमकी, लोकं पळत सुटले, नागरिकांमध्ये भीतीचं वातावरण

@mhtimes

सोलापूर जिल्हा न्यायालय 3.वाजून 11 मिनिटांनी उडवून देण्याचा धमकीने सोलापूर जिल्हा हादरला.जिल्हा न्यायाधीशांनी सुरक्षेच्या कारणास्तव संपूर्ण कोर्ट रिकामा करण्याचे आदेश दिले. सोलापूर पोलिसांची मोठी कुमक जिल्हा न्यायालयात दाखल होत संपूर्ण कोर्ट परिसराची तपासणी केली.आठवड्याच्या पहिल्याच दिवशी राज्यातील न्याय व्यवस्थेला हादरवून टाकणारी घटना समोर आली आहे. महाराष्ट्र राज्यातील सात सत्र न्यायालयांना बॉम्बने उडवून देण्याची धमकी आल्याने खळबळ उडाली. सातारा, सोलापूर, ठाणे, बीड, रत्नागिरी, परभणी आणि हिंगोली न्यायालयांना त्यांच्या अकाऊंटवर ईमेलद्वारे धमकी आली आहे. ही गोष्ट लक्षात येताच पोलीस, डॉग आणि बॉम्ब शोधक-नाशक पथकांना पाचारण करण्यात आलं आहे. न्यायाधीश, वकील आणि पक्षकारांना बाहेर काढून इमारती मोकळ्या करण्यात आल्या असून इमारतींमध्ये तपासणी सुरू आहे. सोलापुरातील वकील बांधवांनी प्रतिक्रिया देताना सांगितलं, हा तर खोडसाळपण आहे. असा खोडसाळपना करणाऱ्यावर कठोर कारवाईची मागणी केली आहे

Source Credit: maharashtratimes.com

Read Full Story

Short News

Solapur | सोलापूर न्यायालयाला बॉम्बस्फोटाची धमकी, लोकं पळत सुटले, नागरिकांमध्ये भीतीचं वातावरण

Comments (0)

Report Post